الكرباعي: ضحية عقد مزور، نقل تونسي محتجز في باخرة إلى مستشفى بباليرمو

تكلم مجدي الكرباعي النائب عن التيار الديمقراطي بايطاليا سابقا حول الحالة الصحية لشاب تونسي وقع حجزه لمدة 5 أيام على متن باخرة في إيطاليا. و في ما يلي ما دونه الكرباعي المقيم بايطاليا:

'البارح تم نقل الشاب التونسي م. د و البالغ من العمر 23 سنة إلى مستشفى “باليرمو' في ايطاليا لتلقي العلاج يعد تدخل محامي . الشاب هذا وضعيته الصحية تاعبة ( يعيش بكلوة واحدة ) قضى مدة 5 أيام محتجز على متن الباخرة GNV بعد ان قامت السلط الأيطالية بمنعه من الدخول إلى إيطاليا و حجزه في غرفة في الباخرة . و حسب السلط الإيطالية الشاب كان بحوزته عقد عمل مزيف و هذا نتيجة تعرضه لعميلة تحيل من قبل المافيات متاع الكنتراتوات و موجودين في تونس و ايطاليا .

هناك 4 آخرين مازالوا محتجزين على متن الباخرة تعرضوا لعملية تحيل .

ال 4000 عقد عمل الي تحكي عليهم 'ميلوني ' طلعوا أغلبيتهم مزيفة.

يا ناس يا شعب هذه الناس الي تتحيل و تتآمر عليكم و تتاجر بأحلام أبنائكم هذه الناس الي تتحيل عليكم في 20 مليون و 30 مليون من اجل عقود مزيفة ، اما فين مازلتوا تشوفوا فيهم يوميا يدوروا في حومتكم و حد ما وقفهم .

و شكون تلقى في الحبس اليوم تلقي غازي الشواشي خيام التركي عبد الحميد الجلاصي جوهر مبارك عصام الشابي و رضاء بالحاج

تلقى صحافيين

تلقى معارضين سياسيين

تلقى نقابيين

تلقى مدونين مطيشة في الحبوسات على ارآهم .

أما الناس الي تتحيل عليكم و تتآمر عليكم و تتاجر بأحلام أبنائكم مازالوا يدوروا و لا زيد يهددوا فيكم إذا تشكوا بيهم و حد ما قرب منهم .

المتآمر و المتحيل في بيتو

و المناضل محتجز و تسلبت حريتو…'.

و كان قد سبق أن أعلن مجدي الكرباعي في تدوينة سابقة ما يلي:

'اكتشفنا ان هناك خمسة 5 توانسة منذ 20 افريل محتجزين في باخرة GNV و كلهم تم رفض دخولهم إلى إيطاليا لان العقود مزورة'.